Wever: Companianan di utilidad dispuesto pa ‘alivia’ usuarionan den crisis

ORANJESTAD – Gobierno a pidi Setar pa amplia e bandwith pa internet pa asina percura pa tur hende por tin aceso normal y trankil na cas, ya cu ta wordo ‘forza’ pa keda cas. Ademas si ta bay sugeri pa haci online schooling, un miho bandwith ta necesario. Tambe Prome minister Wever a bisa cu ta papiando cu Web, Elmar, Fcca, Apfa y banconan pa nan duna algun luna di alivio na esnan cu wordo afecta. Segun Wever, tur a mustra di ta dispuesto y ta trahando riba dje. Mientrastanto CMB y Aruba Bank a anuncia nan pakete di alivio caba diamars atardi/anochi y Banco Central a informa cu lo suavisa e reglanan pa banconan haya mas libertad pa actua pa cu nan maneho