Gobierno di Corsou a cera frontera pa tur destinacion

Gobierno di Corsou a cera frontera pa tur destinacion

Posted on 03/16/2020 7:52 pm AST | Updated on 03/16/2020 7:53 pm AST

WILLEMSTAD – Gobierno a anuncia ciere di frontera pa tur destinacion. Esey ta un di e 7 medidanan cu a keda anuncia dialuna anochi durante conferencia di prensa. Pa loke ta e lockdown, solamente esnan cu ta biba y ta inscribe na Corsou por bini. Esey ta inclui Aruba y Bes Eilanden. 

CUARANTENA

Tur persona cu ta bini for di cualkier parti di mundo ta ser pone den cuarantena obligatorio na nan cas. Pues e persona lo ser somete 14 dia na su cas den isolashon. 

EVENTO PUBLICO

]Tur evento publico, social, cultural y tambe tur servisio religioso ta keda pospone. Tur evento cu tin permit ta keda pospone tambe. Tur entiero por konta ku un maksimo di 10 persona. 

SCOL

Tur scol, sin exepcion lo ta cera. Esaki ta konta for di crèche te na nivel universitario. Esaki ta conta pa scolnan privá tambe. 

RESTAURANT

Tur restaurant, snack etc tin cu keda limitá na take out so. Si no por haci take out mester cera esaki. 

BISHITA NA CAS DI ANCIANO

No ta permiti haci bishita na casnan di cuido di hende grandi te cu proximo aviso.

  • St Maarten tin 2 morto consecuencia di coronavirus

    St Maarten tin 2 morto consecuencia di coronavirus

    PHILIPSBURG (ANP) – St Maarten a raporta su di dos morto a consecuencia di coronavirus. Asian gobierno di e pais a confirma diabierna. Ta trata di un homber. E cantidad di hende positivo ta 23 di cual 18 ta homber y 5 ta hende muher. Un persona a recupera te awor. Premier Jacobs a bisa di ta contento cu e ayudo di Hulanda di 12 cama di ICU pa e hospital. Minister di salud di Corsou Suzy Camelia Römer a confirma na Antiliaans Dagblad cu Hulanda lo duna 42 cama pa e parti di Caribe Hulandes. 12 ta bay pa Aruba, 12 pa Corsou, 12 pa St Maarten y 6 pa Bonaire. St Maarten por haya e camanan mitar di april caba, incluyendo aparato pa hala rosea y personal. 

  • Piscadornan di Corsou deteni na Venezuela riba sospecho di contrabanda

    Piscadornan di Corsou deteni na Venezuela riba sospecho di contrabanda

    WILLEMSTAD – Tres piscador di Corsou ta deteni na Venezuela riba sospecho di contrabanda. Asina Warda Costa di Caribe Hulandes a confirma diaranson. Segun e boletin, ta for di diadomingo e tripulacion ta deteni y ta trata di 4 yiu di Corsoy y un Venezolano. Warda Costa a recorda piscadornan pa no nabega bay Venezuela pasobra e frontera maritime ta cera. Gobierno di Corsou a emiti un ley cu a drenta na vigor 30 di maart 2020 cu ta prohibi nabegacion di boto di piscado entre Corsou y Venezuela, cual por ta un risico na momento di contacto humano durante trasbordo di cargamento.  

  • Corsou tambe ta introduci ‘Shelter in Place’ entrante dialuna

    Corsou tambe ta introduci ‘Shelter in Place’ entrante dialuna

    WILLEMSTAD – Gobierno di Corsou tambe a introduci ‘Shelter in place’ entrante dialuna mainta 6’or y ta vigente pa por lo menos 2 siman. Asina prome minister di Corsou Eugene Rhuggenaath a anuncia diadomingo atardi den un conferencia di prensa extraordinario. Tur e reglanan manera esun na Aruba ta vigente ora cu e medida nobo drenta na vigor. Na Aruba, e regla aki a drenta na vigor diadomingo mei anochi 12’or y ta vigente pa 2 siman tambe. 

  • Corsou tambe a impone Toque de Queda entrante diasabra anochi

    Corsou tambe a impone Toque de Queda entrante diasabra anochi

    WILLEMSTAD – Gobierno di Corsou diasabra a dicidi di impone un Toque de Queda mescos cu Aruba a haci, cu ta inicia diasabra anochi (awe) for di 9’or di anochi pa 6’or di mainta. E situacion na Corsou sinembargo ta diferente cu esun di Aruba, unda cu tin cu tin hopi menos caso positivo di coronavirus, (9) compara cu Aruba, (46). Un posibilidad ta cu Aruba ta haciendo mas test cu na Corsou, debi na e criteria, cu ta pone cu automaticamente Aruba su cantidad di casonan positivo por subi. 

  • Corsou a conoce un caso mas positivo di coronavirus

    Corsou a conoce un caso mas positivo di coronavirus

    WILLEMSTAD – Corsou a conoce otro caso positivo di coronavirus diahuebs, aumentando e caso total na 7. Dos persona a recupera caba y 1 a fayece. Pues ta laga 4 actualmente (incluyendo esun nobo) den tratamento.  

  • Corsou a conoce su di 6 caso confirma di coronavirus

    Corsou a conoce su di 6 caso confirma di coronavirus

    WILLEMSTAD – Corsou a conoce su di 6 caso confirma di coronavirus. Tur caso te awor, ainda ta importa, y no tin transmision local ainda. E isla tin 1 cu a fayece, 2 cu a recupera  3 activo cu ta den isolacion na cas. 

  • Powered by SETAR