ORANJESTAD – Restaurantanan na Aruba ta preparando pa un lockdown (ciere di operacion) relaciona cu e situacion di e coronavirus. Problema ta cu nan no sa kico gobierno ta bay haci, y si e cierre ta bin di un dia pa otro, of si esaki ta sosode gradualmente. Asina presidente di Aruba Food & Beverage Association (AF&BA) Jan van Nes a bisa noticiacla.com. Segun van Nes, restaurantnan na Aruba no ta prepara pa un cierrre abrupto y ta solamente algun por provee un tipo di entrada pa nan trahadonan ora cu esey sosode. “Hopi operador di restaurant na Aruba ta opera di luna pa luna, y e prome luna di aña (2020) no tabata mucho bon” Van Nes ta sigui bisa. No obstante esey, e asosacion a manda un carta na nan miembronan y e mensahe tabata pa ‘close down’.
OCUPACION
E hotelnan ainda tin un ocupacion di 40 pa 50% y esaki lo keda reduci den e dianan nos dilanti (ora cu e lockdown cuminsa). Entrante diamars, aeroliñanan lo bin solamente pa buscae pasaheronan ‘salliente’. Y esnan cu ta keda mientrastanto te ora cu nan tambe tin cu biaha, tin cu come. Y pesey AF&BA ta favorece un lock down transitorio pa asina duna chens pa esnan cu ainda ta riba e isla, por sigui come. Ta sugeri pa e forma ey pa fin di siman, tur restaurant y bar lo ta cera. AF&BA a ofrece pa hunga un papel di coordinacion cu AHATA (pa restaurant di hotelnan).
STARTUP
Van Nes a splica tambe cu mientras cu e lockdown ta ‘solamente pa dos siman’, pa cuminsa opera di nobo y ricibi bishita, esaki lo por tuma mas largo ya cu e momento ey Mericanonan lo ta experenciando e peak di e virus, cu consecuencia cu Mericanonan e ora lo no ta den posicion di biaha niun caminda toch, te pa nan bin Aruba. Esey ta nifica cu e industria di alimento y bebida na Aruba lo por conoce un reduccion aun mas grandi ora cu e lockdown cancela y cu restaurantnan ta permiti pa habri atrobe.
KICO KIER SPERA
Loke cu a asosacion ta spera cu por sosode pa yuda e situacion, ta un lista di 6 punto cu nan ta menciona. Entre nan, areglo cu banco pa e operadornan di restaurant den caso di prestamo faborable, y interes. Tambe areglo cu departamento di labor pa tin flexibilidad ora di emplea hende, extende periodo di prueba, reduci ora di trabou y dia despues cu cos habri atrobe. Tambe posponemento di pago di impuesto di parti di gobierno di Aruba. Ademas ta pidi pa un desaroyodo di fondo di emergencia pa e operadornan. Tambe liña di credito pa cuminsa y seguridad adicional.
ORANJESTAD - Den e prome kwartaal di 2024, por spera cifranan prometedor y solido pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA ta raporta diahuebs. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’.
ORANJESTAD – Diahuebs 14 di maart, Minister di Turismo y Salud Publico Sr. Dangui Oduber a ricibi un invitacion pa bishita Aruba Boutique and Art Hotel cu lo habri nan porta dia 1 di April 2024. Un boutique hotel nobo den curason di Palm Beach cu lo forma parti como miembro di e marca Best Western Signature Collection.
ORANJESTAD – Diaranson mainta 27 di maart Prome Minister Evelyn Wever-Croes hunto cu colega Minister di Finansa Xiomara Maduro a biaha pa Corsou pa reunionan importante den cuadro di e tema di ENNIA.
MIAMI – E compania hotelero Four Seasons awor tambe ta sigui e trend di e compania Ritz-Carlton cu a inicia cu nan coleccion di yate luhoso estilo crucero. E compania a anuncia cu nan tambe ta drenta den e negoshi ey, di ‘espacio di crucero luhoso ultra chikito, cu su prome yate den construccion na Italia. E prome destinacionan ta conoci y ta pa Caribe, cuminsando na 2026. E temporada Caribense lo core di januari pa maart 2026 cu parada na St Barth, Nevis, the Grenadines, Saint Lucia, Barbados, Martinique, Curacao, Aruba y Guadeloupe. Cada bapor lo tin solamente 95 suites, cu ta 50% mas espacio pa persona cu cualkier otro crucero. Cada camber lo tin bentanan gigante di vloer te plafond, hopi vanidad den e bañonan y terras priva. Asina e presidente y CEO di Four Seasons Alejandro Reyna a sigura.
ORANJESTAD – CEO di Aruba Hotel & Tourism Association Tisa LaSorte, recientemente durante e programa Noticiacla LIVE a pidi pa hende na Aruba no bay protesta contra turista na Aruba riba e desaroyo di turismo. Den e video, e ta splica e peticion mas amplio.