Virologo: ‘Cera espacio aereo y scolnan no tin sentido, si horeca keda habri’

DELFT – “Gobiernonan di e islanan mester wak e medida tambe di horeca, ora cu ta tata e coronavirus.  Pasobra si hendenan ta sigui aglomera den grupo gradi, ceramento di scol y espacio aereo no tin sentido” asina virologo Byron Martina ta bisa. Contrario na e parti europeo di Reino Hulandes, café y restaurantnan riba Caribe Hulandes ta sigui habri normal. Hasta e happy hournan popular ta sigiu bon bishita. Na Corsou sinembargo horeca a dicidi di cancela mayoria di e fiestanan. 

Gobierno di tanto Aruba y Corsou a bisa di ta evaluando un lockdown di horeca si. 

Martina a elogia e islanan pa loke ta e actitud proactive pa loke ta e pandemia di corona. Pero e virologo a enfatisa si cu e medidanan aki tin sinti si ta wak den forma critico tur e posibilidanan unda cu hende por bin hunto. 

RISICO DI BIAHE

Esey ta conta tambe segun Martina, pa avionan. Habitantenan di Corsou, Bonaire, St Maarten y Aruba si por bolbe nan ‘cas’. “Ey tin un risico scondi. Bo lo por prohibi hende di sinta banda di otro y laga algun rij liber entre nan.  Pero hende no ta keda sinta 10 ora largo riba un lugar sin move durante un buelo. Pues contagio ta posibel”. 

ESCASES MUNDIAL NA REMEDIE hospital na Corsou tin menos cu 10 cama di cuido intensive 16 aparato di hala rosea. Un situacion asina no ta unico pa un isla chikito. Hasta paisnan grandi manera Italia cu tin un infstructura medico bon, no por acapara cu e situacion y tin escases di material. Merca, cu tin 45 mil cama di cuido intensive, lo tin escases si no tuma medida estricto lihe. ORA cu tin un pandemia, escases mundial ta aparece”.  

CANDELA CORIENTE

Martina den pasado a haci un investigacion na e antepasado di COVID-19, esta e SARS coronavirus. E tempo ey tabatin miedo pa un pandemia, pero e virus a disparse diripiente. “Loke mi ta mira na COVID-19, ta cu e ta adapta bon na e humano. E ta core manera un candela”. Hasta den clima calor e sa di plama. “Ta berdad cu e rumanan di e virus ta miho den clima friu, cu probablemente tambe ta conta pa e virus aki. Pero si bo wak paisnan manera Iran y Australia, unda cu ta hopi calo, tin hopi contagion toch. Distancia social riba e isla ta pues tambe di hopi importancia”. 

ANTIDOTO

E virologo hunto cu su ekipo na Artemis ta investigando pa remedy cu por funciona contra COVID-19. E desaroyo di un vacuna nobo of remedi, ta dura hopi aña. Pesey nos ta buscando remedy existente. Nos ta controla esey prome den un tubo di reaccion, y nos tabatin algun exito caba. Pero e remedi mester traha tambe riba hende y bestia”. 

Fuente: Caribisch Netwerk.