Compania local ta splica riba critica riba supuesto abuso di prijs

SAN NICOLAS – A consecuencia di e demanda grandi internacional di un material necesario pa produci un producto pa yuda 'proteha' contra coronavirus, e prijs a subi, cu tur su consecuencia. Asina e propietario di e compania Aru-Pro a splica Noticiacla.com diadomingo. El a haya critica di comunidad pasobra eo. e lo a hisa su prijs di e.o. hand sanitizer pa cas double, siendo cu e no tin culpa y cu no tabatin suficiente producto den stock pa bende. 

SPLICACION

Hernandez a splica cu e productonan cu nan ta cumpra pa produci e producto final localmente a subi di prijs, cu a algo cu Hernandez no tin control ariba. Asina mes nan, (Aru-pro) a wanta e prijs mas abou posibel. Di 5 florin, mester a aumenta e prijs te na 8 te 10 florin pa un producto asina. Entre e productonan limita na aceso, tabata esun principal cu ta e alcohol special y e aloe. Mientras cu tin un fabrica di procesa producto di aloe, no ta asina cu por cumpre di nan, y como tal mester busk'e di afo, mescos cu esun e alcohol. Y mirando e demanda halto internacional, Aruba no ta wordo mira como prioridad y como tal tin cu cumpre via via, pa toch logra haya algo. A splica tambe cu si cumpra e producto final (hand sanitizers) na mas cantidad, e prijs obviamente ta baha. E ta un producto local produci cu mester por yuda abastece e comunidad di Aruba den e momento actual di necesidad relaciona cu coronavirus. Hernandez a bisa cu ta lamenta cu tabatin critica, sin cu hende a puntra kico ta e situacion real. 

CANTIDAD

A mustra cu pa por a cumpli p.e. cu pedidonan di p.e. mas di 600 caha cu e producto, mester a traha overtime, pa asina por a sigui abastece e producto. Norlmalmente ta bende e producto den forma di mayorista (wholesaler) na negoshinan na Aruba. Pero a opta awor pa tin un outlet tambe na e fabrica mes pa por a yuda. Hende a bin na gran cantidad na e fabrica pa bin cumpra e producto. Ora cu dado momento esaki a caba, hendenan no a gusta y a cuminsa reclama. Ta comprendibel, pero e ta lamenta cu pa algo asina ta purba daña imagen di un compania cu ta produciendo mas di 40 producto di limpiesa, y pa un producto, ta bay daña e nomber di e compania.