Mayoria compania y gobierno a adapta operacion pa COVID-19

ORANJESTAD – Mayoria departamento di gobierno y negoshi a lanta den un estado di ‘trankilidad’ dialuna, debi na e medidanan pa preveni coronavirus. For di den fin di siman mayoria departamento, negoshi y otro instancianan a informa cu nan lo sea no ta operando dialuna, of ta haci esaki den un forma adapta. Esey a pone cu tin menos trafico di negoshi di persona, y a opta pa haci esaki mas ‘cybernetico’, of via telefon. Otronan a opta pa traha solamente mitar dia, y of a traha un schedule cu ta limita cantidad di persona hunto. Comercialmente pues, e mensahe a yega na comunidad pa haci tur lo posibel pa bringa e entrada of plamamento di e virus COVID-19.