DIMP: Relaciona cu coronavirus, por lo pronto lo no otorga plachi di number di auto

ORANJESTAD – Den cuadro di e situacion rond di coronavirus y e peliger di contagio , departamento di impuesto di Aruba a informa diadomingo cu por lo pronto lo no otorga plachi di number di auto. Esaki pa evita aglomeracion di hende y/of contagio. Manera ta conoci, e plachinan di number a yega Aruba y DIMP tabata cla pa cuminsa otorga esaki. Pero mirando cu esaki lo nifica posibel rij di hende, esaki ta loke no ta recomendabel aworaki den e situacion di prevencion di brote di e coronavirus. Como tal a dicidi cu ‘por lo pronto’ lo no otorga plachi di number di auto. A pidi pa keda pendiente riba e tema aki con lo atende cu esaki, ki fecha esaki lo por tuma lugar y den ki forma.