Gobierno a duna conseho negativo di biahe pa tur Arubiano rond mundo

ORANJESTAD – Gobierno di Aruba a emiti un conseho pa tur residente di Aruba no biaha mas. Esaki ta considera como un ‘negatief reisadvies’ pa unda cu ta na mundo, pasobra un Arubiano por pega cu e virus mundialmente y trece pa nos isla. Pero tambe gobierno no tin e siguransa cu e Arubiano por bin bek. Pues pa evita, a opta pa duna e conseho di biahe negativo aki. Pa loke ta residentenan y Arubianonan den exterior  cu a biaha, ta pidi pa nan bin bek mas liher cu ta posibel pasobra ta pensa cu e aeroliñanan mes lo por stop e buelonan dado momento. E pasaheronan di Aruba por bin bek anytime, no tin restriccion pa nan. 

SOCIAL DISTANCING 

A pidi tambe pa ciudadanonan no sali riba caya, y practica distancia social. Evita aglomeracion di hende. Fiestanan of cosnan asina. Tin un prohibicion pa actividadnan social. Asina mes e comportacion no a cambia. Como tal a haci e peticion atrobe pa e Arubiano cambia su comportacion. “Esaki no ta momento pa fiesta den grupo grandi” Wever a bisa. 

LOCKDOWN 

Esey ta e otro medidanan cu gobierno a tuma fuera di a cera entrada pa tur persona cu no ta residente di Aruba di Aruba pa tur buelo entrante diamars proximo 17 di maart 2020.