Aruba ta cera frontera pa tur buelo entrante diamars awor

ORANJESTAD – Entrante diamars, gobierno di Aruba ta prohibi pa baha na Aruba, y esaki ta inclui buelonan for di Merca y Colombia. Buelonan por bin bashi pa buska hende pega na Aruba, pero no baha mas cu pasahero. A opta pa haci esey pa cera e frontera di e forma drastico pa frena cualkier chens cu coronavirus COVID-19 por plama. A bisa cu e restriccion ta conta tambe pa buelonan di destinacionan di Caribe. E declaracion no tabata mucho cla si, kico e excepcionan ta, ya cu prensa tabata limita na haci pregunta. Despues prome minister a clarifica specificamente pa noticiacla cu e decision aki ta conta pa buelonan di Corsou y Bonaire tambe y cua avisa gobiernonan respectivo.