KLM: Solamente residentenan y Arubianonan por biaha for di Hulanda pa Aruba

AMSTERDAM – Un di e medidanan tuma pa gobierno di Aruba cu mas a impacta, ta e prohibicion di buelo for di Hulanda/Europa y otro paisnan segun lista di WHO. Esaki a impacta hopi pasobra tin hopi ciudadanonan di Aruba cu ta biba Hulanda y of bishitantenan cu mester bolbe nos isla y e ta afecta e grupo aki. Prensa Hulandes ta raporta cu desde dialuna, KLM lo cuminsa manda avion pa Surnam y islanan ABC, pa busca Hulandesnan ‘pega’. Sinembargo e portal di KLM ta referi solamente na Surnam. Segun KLM, ‘debi na restriccion di biahe na Bonaire y Aruba, buelonan lo opera segun planea’. Osea for di e islanan aki pa Hulanda. ‘ For di Amsterdam, solamente residentenan y Arubianonan di e islanan por bula’, e portal ta sigui specifica. Loke ta Surnam, nan ta e unico cu ta bisa enberdad cu ta manda avion pa busca Hulandesnan ‘pega’. Pa informacion, por bay riba e portal di e aeroliña pa haya mas informacion. Click AKI.