Premier Wever: ‘Nos no ta duna man, nos no ta brasa. Nos ta saluda di leu’

ORANJESTAD – Siguiendo e peticion di colega premier Hulandes Mark Rutte, Premier di Aruba Evelyn Wever a pidi tur hende pa evita contacto personal cu otro. “Nos no duna ta duna man, nos no ta brasa, (otro pero) nos ta saluda di leu” Wever a bisa. “Laba man, laba man, y laba man. Usa hand sanitizer. Evita contacto cu hendenan ora di saluda” e mandatario a pidi comunidad pa haci. Cosnan basico cu cada un por usa. “Si bo sinti malo, no sali bay den hende. Yama e number di e call center caminda tin hende constantemente cu por evalua e caso y bisa kico pa haci siguientemente” e mandatario a finalisa bisando. E situacion actualmente ta bou di control.