Wever: Aruba tin dos caso confirma di coronavirus

ORANJESTAD - Aruba tin dos caso confirma di coronavirus. Prome minister Evelyn Wever a confirma esaki diabierna atardi durante un conferencia di prensa. Un persona ta un Mericano cu tabata na Aruba pa algun dia for di Merca (e tabata na otro paisnan den exterior cu ta afecta), y e otro ta un Arubiano cu a bolbe for di New York recientemente. Fuera di esaki, a anuncia cu ta cera espacio aereo pa buelonan for di Europa y otro paisnan cu ta riba lista di WHO. Tambe ta cancela tur actividad publico te fin di luna. Tambe a dicidi cu ta cera tur scol entrante otro siman. 

E VICTIMANAN

E prome persona, e Mericano, a bin Aruba como consultant pa e compania WEB y e ta isola na hospital. Ta nifica cu varios persona tabatin contacto cu e persona aki y ta den contacto cu departamento di salud. Trabounan a tuma lugar caba na WEB unda cu ta trahando cu esnan posiblemente afecta. Lo trata e personanan aki tambe y testnan pa posibel contagio. Noticia ta den proceso. E persona local ta un poco mas facil pa atende, ya cu e ta isola na su cas.