Oduber: Aeropuerto di Aruba a bay riba un alerta mas halto

ORANJESTAD – “Den cuadro di mihor preparacion y considerando cu CorsoU tambe tin Coronavirus confirma nos a bai riba un higher alert na nos aeropuerto”. Asina minister di salud Dangui Oduber a bisa Noticiacla.com diabierna mainta. “ Nos a busca 5 dokter pa cuminsa cu controlnan mas severo y mas spotchecks. Nos a traha un assessment center special pa esaki riba e arrival corridor pa wordo hala un banda y controla. Tur aerolinea mester meld adelanta kendenan ta on board y cumpli cu ley y protocolnan. Mas screening lo tuma lugar! Tambe lo cuminsa scan cu bodyscanner” Oduber a sigui bisa. Tur esaki ta medidanan addicional den cuadro di prevencion. “Nos ta bolbe enfatisa cu Aruba ta awor aki no tin ningun caso” Oduber a finalisa bisando.