Aeropuerto di Aruba a implementa medidanan pa cu COVID-19

ORANJESTAD – Relaciona cu e coronavirus COVID-19, Aeropuerto Reina Beatrix a tuma extra paso pa evita cu e virus ta sigui plama. Fuera di e trabou diario di limpiesa, a aumenta e frecuencia di limpiesa den areanan publico, a añadi machinan extra di sanitacion (sanitizers) y aparato pa habon den areanan strategico. “Nos  personal di limpiesa tambe ta instrui pa haci e rutina di limpiesa, uno mas rigoroso” e mensahe di e CEO Joost Meijs ta bisa.

TIPS

Tipsnan regular di salud, den coordinacion cu DVG, a wordo comparti den e areanan di yegada y salida di aeripuerto, pa asina sigura cu tur hende ta conciente di esaki durante nan biahe y of uso di e facilidadnan di aeropuerto. Tambe a pone punto di screening metido, den coordinacion cu DVG na aeropuerto. A pidi personal cu ta malo, pa keda cas y a recomenda empleadonan cu no ta directamente raporta na aeropeurto pa tambe haci mescos. Ademas a pidi nan ekipo pa no haci biahe di trabou den areanan di risico halto y discuti esaki cu e autoridad concerni prome. A set up un chat group cu ta mantene tur hende informa di e ultimo desaroyo pa cu e brote. A actica un ekipo dedica dentro di aeropuerto cu ta monitoria e situacion den tempo real y lo actua cu medida preventido ora cu ta necesario. Ta mantene tur protocol di WHO y otro instancianan necesario.