Gobierno a ‘brief’ gremionan sindical y comercial riba impasse

ORANJESTAD – Despues di tres ora di reunion, gremionan sindical y comercial a reuni dialuna atardi laat y dicidi cu ta continua diamars mainta pa determina un posicion riba e impasse Hulanda-Gobierno. E reunion tabata pa repasa tur corespondencia entre gobierno di Aruba y Hulanda, y pa actualisa e gruponan menciona riba e situacion actual. "Nos a bin scucha kico a causa e impasse entre Aruba y Hulanda den firmamento di presupuesto," van Trigt a duna di conoce. "Mi mester bisa cu e partnernan social ta preocupa y lo sigui reuni riba e tema pa yega na un declaracion conhunto". "E ta preocupante," segun Gina Maduro cu ta representa e sindicato di hospital. Gremionan a mustra cu nan kier reuni cu gobernador tambe pero no ta conoci si esaki lo por logra ainda diamars.