APA: No tin bapor cu COVID 19 na caminda pa Aruba

ORANJESTAD - Aruba Ports Authority (APA) N.V. diaranson anochi a informa cu cualkier rumor cu tin circulando relaciona cu barconan crucero na of yegando Aruba cu pasaheronan cu coronavirus, no ta cuadra cu berdad." Gerencia di APA kier pone bon cla cu nada di loke ta wordo bisa no ta berdad" e comunicado ta bisa. For di momento cu a menciona di e crucero cu a yega Corsou a cuminsa rumornan di crucero na Aruba, pero nada di esaki no a sali for di APA. Gerencia kier bisa cu Aruba tin un Protocol vigente pa atende cu e asunto aki y na mesun momento kier menciona cu e unico canal, y esun oficial, pa papia riba e tema di COVID-19 ta sea Departamento di Salud Publico (DVG) y / of Minister di Salubridad Publico Dangui Oduber. Esaki ta un palabracion similar na tur otro pais na mundo y hustamente pa evita rumornan cu por trece un panico innecesario den e poblacion y / of causa daño na imagen di nos pais.