Grupo di gremio commercial ta preocupa cu lista di medida di gobierno

ORANJESTAD – Un total di 7 gremio commercial, ta preocupa pa cu e futuro economia di Aruba y mas ainda pa e lista di medida cu gobierno lo bin cu ne entrante april como fase 2 di e reforma fiscal. E gremionan aki a yama un conferencia di prensa pa diahuebs. E gremionan cu ta den e conferencia ta ATIA, AHATA, Camara di Comercio, Aruba Food & Beverage Association, Aruba Timeshare  Association, WAB, Comerciantenan Uni Aruba y San Nicolas Business Association. No ta conoci si nan lo duna alternativa tambe, of ta cuestiona e forma con gobierno por genera fondo den caha di gobierno, cu no ta e forma cu nan a pone den e 11 puntonan di e di 2 fase di reforma fiscal.