Bernie Sanders ta sigui den e careda presidencial Mericano

BURLINGTON – E candidato presidencial Mericano Bernie Sanders a bisa diaranson cu e ta continua cu su campaña presidencial, un dia despues cu su contrincante Joe Biden a marca tereno fuerte ganando mas estado, aumentando su cantidad di delegado necesario pa sigura e nominacion. Tabatin rumor cu Sanders lo a bay entrega e bataya, pero esaki no a sosode. Segun Sanders, e ta keda y ta topa Biden diadomingo awor den un debate politico. “Ayera obviamente no tabata un bon anochi pa nos campaña pa loke ta delegado. Mientras cu nos ta perdiendo e conteo di delegado, nos ta fuertemente ganando den dos area cu lo determina e futuro di nos pais” Sanders a sigui bisa.