Buelo extra di KLM debi na coronavirus no ta inclui Aruba

ORANJESTAD – Mientras cu pa Corsou KLM a añadi buelo  extra pa motibo di coronavirus nobo COVID-19, esaki no ta e caso lamentablemente pa Aruba. Asina e gerente di KLM responsabel pa entre otro e islanan ABC, Cees Ursem a bisa noticiacla.com diaranson. “No tin cambio pa Aruba y Bonaire”, Ursem a bisa e portal aki a, indicando cu e schedule pa e dos islanan aki no ta cambia. Pa Corsou lo pone extra buelo den luna di juni y juli. 

CONSECUENCIA DI CORONAVIRUS

KLM a anuncia e siman aki cu den luna di juni y juli, nan lo bula extra pa Corsou. Esaki lo sosoden cu un Airbus 330-200, cu tin capacitad di 16 stul business y 250 economy. Motibo di e cambio di buelonan di vacantie ta consecuencia di coronavirus, pa cual KLM no ta bula pa varios pais mas, of ta reduci esaki drasticamente. Consecuente ta adapta e schedule y aki Corsou a beneficia di dje. No ta conoci pakico ta Corsou so, pero esey ta e contesta cu a haya. 

EFECTO

Segun e aeroliña Air France/KLM e coronavirus a afecta e aerolina duro. Na februari tabatin menos pasahero, debi na e caida di buelo pa e parti asiatico. Den lunanan nos dilanti e situacion ta bira aun mas pio, mirando con e virus ta plamando na otro parti di mundo y ta pone cu mester scrap aun mas buelo. KLM lo reduci nan buelonan pafo di Europa tambe cu 13%. 

CAPACIDAD CORSOU

E aumento di capacidad pa Corsou ta encera 16 buelo extra entre 3 di juni y 24 di juli. Esey ta dos buelo pa siman riba diaranson y diabierna. Entre 1 di april y 15 di mei KLM a añadi 10 buelo extra tambe riba diaranson di 1 april pa 13 di mei y diabierna entre 1 y 15 di mei 2020. Fuera di esey, KLM ta bula den zomer desde 29 di maart 3 biaha pa siman e ruta Amsterdam-St Maarten-Corsou-Amsterdam cu e Airbus 330-200.