BDO: Fase dos di reforma fiscal no ta beneficia e clima di inversion di Aruba

ORANJESTAD – E cambio nan proponi pa gobierno di Aruba den e di dos fase di reforma fiscal, mester simplifica, fortifica y redistribuí e peso di impuesto. “Pero e cambio nan aki proponi sinembargo, ta mas dirigi na aumenta entrada di impuesto riba termino corto , sin suficiente consideracion riba e efectonan di termino largo riba economia di Aruba. Asina e compania local di conseho fiscal BDO ta bisa den nan Newsflash pa nan cliente di dia 6 di maart riba e propuesta di ley cu a wordo entrega na Parlamento dia 6 di maart 2020.

KEN TA BDO

BDO- ta e compania local di consehero fiscal cu antes tabata yama WTS y su Managing Partner ta Cari Wolter. Desde april 2017 WTS ta un miembro independiente di e  compania internacional BDO. Tabata na 1973 cu e miembronan Britanico, Aleman y Hulandes a adopta un nomber comun cual acronimo a sostene e netwerk global complete di accounting, tax y advisory. BDO ta nifica Binder Dijker Otte.  

BENEFICIO

Segun BDO e resultado di e cambionan, no ta beneficia e clima di inversion pa Aruba. Nan tarea (di BDO:red) ta pa conseha y informa nan cliente nan, comerciante nan pero tambe inversionista riba asuntonan di belasting. Un comerciante bon informa un un miho comerciante.  

E CAMBIONAN PROPONI

BDO a dileña un total di 10 pa 11 di e ambionan proponi cu a drenta parlamento, unda cu nan ta splica en corto kico e propuesta di cambio ta, kico e efecto lo por ta y tambe ta duna algún observacion tecnico. Ta trata den e caso aki e cambionan riba BBO/ BAZV/BAVP na punto di importacion, impuesto riba entrada corporativo, retencion di dividendo, comision di cambio riba divisas, impuesto turistico, acto di stampia, IPC pa sector hotelero y otro sector nan (tarifa preferencial).

EFECTO

Den e articulo aki, noticiacla ta relata algun di e puntonan, enfoca riba e efecto di e reforma fiscal fase 2, pero na final ta publica e documento completo como annex, pa tin un bista completo di nan remarca nan.

Un di e medidanan, ta introduccion di BBO, BAVP y BAZV di 6% na punto di importacion. E consecuencia di esaki ta cu esaki lo nifica un aumento den gasto pa hopi empresarios y mas en especial riba activo figo pa opera e negocio( assets ) cu no ta wordo rebendi den comercio back na un consumidor.

Un punto cu BDO- ta remarca cu contrario na e reunion cu gobierno aña pasa September, no a incorpora BAZV Y BAVP den un solo BBO cu e tarifa di 6%. Y no ta conoci pakico no a haci tal simplicacion den e ley. Pa productonan cu no a yega Aruba ainda y lo ta ta yegando Aruba después di 1 di april pero ya caba a crea un compromiso financiero paso nan ta den bestelling, no lo tin un periodo di transición implicando cu lo mester paga 6 % na momento di importación den april 2020.  

Pa loke ta e Comision di Cambio riba moneda extranjero. Esaki ta wordo cobra basicamente riba tur transaction bancario pero tambe monimiento riba cuenta corriente  cu exterior ora di pagos hasi pa producto nan producto afo di Aruba of hasi pagos den dollar of otro moneda extranjero. E aumenta di e comicion aki di 1.3% pa 1.9% lo tin efecto segun BDO. E aumento aki di casi 50% riba e gastos nan involvi riba e cambio monetario lo tin un efecto inflatorio negativo riba e economia di Aruba inmediatamente.

Anualmente e ministernan di Finanza y Turismo por aloca un porcentahe of suma pa Aruba Tourism Authority. Cu e cambio, e suma of porcentahe lo wordo usa parcialmente pa motibonan general di gobierno y no ta aloca pa mercadeo y promocion di Aruba mas. Esaki lo por tin un efecto negativo riba con ta hasi marketing pa Aruba y a termino largo y pues tambe pa economia di Aruba, segun BDO. Y asina tin mucho mas punto cu BDO ta referi na dje den su Newsflash produci basa riba fase 2 di reforma fiscal. Por lesa tur e puntonan di e Newsflash AKI.