Rutte ta pidi Hulandesnan pa por lo pronto no duna otro man

DEN HAAG – Hulandesnan por lo pronto no mester duna otro man mas. Esey tabata e peticion di prome minister di Hulanda Mark Rutte durante un conferencia di prensa na Hulanda. “Tur 17 miyon hende bibando na Hulanda mester traha hunto pa evita cu e corona virus por sigui plama” Rutte a bisa. Mas prome e mandatario tabatin un reunion cu e crisisteam riba e tema. Segun e mandatario e situacion actual lo dura por lo pronto. Como tal ta necesario pa sigui combati esaki. Pa loke ta e habitantenan di Brabant, ciudad hopi afecta, a pidi pa nan keda traha for di nan cas durante e proximo 7 dianan. Medidanan mas severo ‘ainda’ no ta necesario. Ta sigur cu e medidanan lo aumenta, pero lo haci e anuncio na su debido tempo.