KPA: Aruba negoshando pa libertad di tres Arubiano deteni na Venezuela

ORANJESTAD – Polis di Aruba diabierna a confirma porfin cu tin tres Arubiano deteni na Venezuela, relaciona cu e caso di e piscado perdi Paulus ‘Pau’ Martijn. E tres Arubianonan deteni na Venezuela e siman cu a pasa, por haya nan libertad den cualkier momento. Vocero di polis Lito Laclé a informa diabierna pa prome biaha publicamente, cu Cuerpo Policial hunto cu otro instancianan gubernamental ta cen combersacion cu autoridad di Colombia y Venezuela pa wak con e tres personanan menciona por haya nan libertad y wordo manda back pa Aruba. “Nos mester bisa cu esaki por sosode den cualkier momento”, Laclé a finalisa bisando. 

DETENI

Segun Laclé, e ta confirma cu e tres personanan a bay ariba boto y a wordo deteni na Venezuela. Prome cu e mensahe aki, no tabatin otro mencion official di e caso, sino pa medio di famia y amigonan cu tabata duna informacion. Mes momento informacion robez a bin cu Pau lo a wordo haya morto. Algo cu ainda ningun instancia official por a confirma. Awe mainta Search & Rescue Foundation (SARFA) tambe a manda mensahe cu ta purbando pa haya claridad riba e trayecto di Pau, for di bista di busceadonan professional. Pa loke ta e informe di polis, Laclé a pidi pa keda pendiente. “ Mane nos tin mas informacion nos lo comunica esaki” e mensahe ta finalisa bisando. NOTA: E potret ta di facebook di famianan di Pau, papiando hunto cu polis den siman riba e caso.