Famia di piscado perdi Pau Martijn kier aclariacion cu ayudo di buceadornan

ORANJESTAD - Famia di e piscado perdi Paulus (Pau) Martijn diabierna mainta a pidi ayudo pa cu e buskeda di nan ser keri. Diabierna mainta via contactonan di Search & Rescue Foundation Aruba (SARFA) a pidi pa buceadornan experencia tuma contacto cu nan. Cu esaki nan kier realisa un ultimo intento pa haya aclariacion riba e ultimo dive di Paulus. Paulus ta perdi riba laman for di siman pasa diasabra despues cu e no a bolbe superficie ora cu e tabata pisca. Tur intento cu a haci te awor no a duna resultado. Como tal awor kier haci un otro tipo di intento. 

E MENSAHE

E mensahe completo cu entre otro noticiacla.com a haya di famia y di SARFTA ta esaki:

Pa medio di e comunicado aki na prensa y na FB friends nos kier pidi e sosten boluntario di diversnan. Ohala nos por hanja suficiente. Nos lo kier tene un reunion ora cu hanja e feedback di e boluntarionan. Asina nos por trece opinion y experencia pa hinca un group diving plan. Please tur cu kier ta un boluntario por lagami sa. Pero si nos ta request very experienced divers pa motibo di e seriedad di e asunto y tambe e condishon di e lama den e momentonan aki. 

E motibo di e request pa boluntario nan ta:

Famia di Paulus (Pau) Martijn cu ta perdí ainda ta pidi yudansa pa lo siguiente:

Pa realisa un ultimo intento pa haya mas aclariacion riba e ultimo dive di Pau ta pidi judansa di divers boluntario y certifica. Ta pensa riba e organisacionan di divers y tur otro divers.

Si esnan kier ta un boluntario, porfabor tuma contacto cu e nr di telefon abow pa duna bo aporte. Lo organisa un reunion pa esnan cu por na Sero Pita #33  pa asina forma un plan pa hasi un ultimo intento. 

Ta spera pa hanja suficiente boluntario mas pronto cu ta posibel pa asina reuní di biaha.

E persona di contacto pa duna bo nomber ta; 

Alex Henriquez

Whatsapp ta:

+966 53 167 8349 

+297 561 5020