Elizabeth Warren ta suspende su campaña pa presidencia Mericano

NEW YORK – E senador y candidato Democrata pa e eleccion presidencial di Merca Elizabeth Warren a para su su campaña electoral diahuebs mainta. Esaki ta debi na su mal prestacion di e dia grandi diamars ultimo considera como e super diamars unda cu 14 estado por a colecta nan delegado pa e respectivo candidatonan. Mientras cu e la gana algun delegado pero no a gana ni un estado diamars, e parti mas pio ta cu hasta den su estado Massachusets el a sali na di tres lugar. Asina mes e ta agradecido pa su estado. E kier men cu ora cu nan a eligie algun aña como senador, e tabata un nobato y nan a dune un chens. El a keda eternamente gradecido.