Otro siman Giselle McWilliam ta retira como minister na Corsou

WILLEMSTAD – Actual minister di Economia Giselle Mc William ta baha otro siman diaranson di su funccion. Asina media di Corsou ta raportando. E intencion ta pa e duna su ultimo conferencia di prensa un dia prome, esta diamars. Ora cu e retira, e ta bolbe Parlamento pa habri caminda pa colega di partido Steven Martina asumi e function atrobe, despues cu e la laga esaki un aña pasa. E tempo ey, debi cu ministerio publico a hacie un sospechoso di un caso penal, el a retira pa autoridad haci su trabou. A resulta despues cu no ta persigui Martina mas, cu a habri caminda pa e bolbe den e funccion. Ministerio publico a seponeer e caso aña pasa.