Romero: Control contra taxi pirata ta keda un dolor di cabez

ORANJESTAD – Control contra e.o. taxi pirata ta tumando lugar. Asina minister di Transporte Chris Romero a sigura prensa diaranson durante e protesta di un grupo grandi di taxista. “E ta keda un dificultad” Romero a bisa si, indicando cu  tin tanto hotel y lugar, pa ubica tanto hende pa controla tur caminda. “Nan ta bezig constantemente” Romero a sigui bisa. “Nos mester tin mas personal. Ta logico tambe, pero nos ta haciendo e trabounan manera cu debe ser. Y e ta keda un dolor di cabez” Romero a sigui bisa. A bisa tambe cu lo duna atencion na e 10 punto di preocupacion di e taxistanan di awe mainta, aunke cu e ta un preocupacion general cu otro taxistanan tambe tin. E preocupacionan ta e mesun puntonan, y a sigura cu ta atendiendonan caba. 

WAK ACCION

Taxistanan ta mustra cu nan no ta mira e control si. Contrario na e pensamento di Romero cu ta sigura cu tin control y cu accion a wordo tuma. Segun e mandatario, a manda carta contra esnan cu ta viola regla y cu a haya reaccion di hende cu kier lanta caso contra gobierno. Tin taxistanan cu no ta manteniendo nan mes na regla y tambe esnan cu tin permiso di O y T, cu tampoco no ta mantene nan mes na regla. “Tur ta hayando nan warningnan. Nos a manda un hala caba” Romero a sigui bisa, refiriendo na e cartanan cu a manda (warning) contra esnan cu ta viola ley.