Joe Biden y Bernie Sanders ta gana Super Tuesday

CALIFORNIA – E dos candidatonan democrata pa e eleccion presidencial Mericano Joe Biden y Bernie Sanders tabata e dos ganadornan grandi riba Super Tuesday. E prome diamars di luna di maart riba cual un cantidad grandi di delegado ta disponibel pa e partido. Biden a gana 9 di e 14 estadonan y Sanders a gana 4 di cual California cu ta esun mas grandi. Expertonan ta bisa cu e competencia a bira uno entre dos ‘homber bieu’. Biden tin 77 y Sanders 78. Di e total di 4000 delegadonan disponibel, nan por a gana un tercera parti ayera so caba. California tabata esun mas grandi cu 415 delegado. E biyonario Michael Bloomberg no a logra exito y a gana apenas 1 teritorio Mericano cu ta Samoa. Ni cu su propio inversion miyonario, e no ta logrando momentum den e eleccion aki. Pa loke ta e otro candidato Elizabeth Warren, Super Tuesday tabata su ultimo chens pa wak si e ta logra, pero ta parse cu e no tin chens mas. Den su propio tereno, Massachusetts, el a sali na di tres lugar. 

r.