Confusion pa loke ta paradero di piscado Paul ‘Pau’ Martijn ta sigui

ORANJESTAD – Un dia despues cu famianan di e piscado perdi Paulus ‘Pau’ Martijn lo a informa y confirma cu a haya curpa di nan ser keri, ta resulta cu esaki no ta cuadra cu berdad. Unda e confusion a bin, no ta conoci. Hecho ta cu tabatin un confusion grandi interno den famia y amigonan cu a sigura cu tabatin novedad. Basa riba esey, medionan di comunicacion (incluyendo Noticiacla.com) a raporta cu lo a haya e curpa. E noticia ey despues a resulta di no ta corecto, pa cual e portal aki a coregi y retracta e informacion mesora. Kico por a pasa, no ta conoci, y ta wardando informacion aworaki di canalnan official pa wak kico por a pasa y kico ta e situacion.