Awe nochi por ta decisivo pa candidatonan presidencial Mericano Democrata

WASHINGTON — E campaña democrata pa eleccion presidencial Mericano ta haya su prueba mayor diamars anochi. Esaki pasobra e ta genera e cantidad mayor di delegado riba un solo dia den 14 estado Mericano. Y fuera di esey, cu apenas 5 candidato cu a keda, e guera lo ta entre e populista progresivo Bernie Sanders y e ex vice presidente Mericano Joseph Biden. E asina yama ‘super Tuesday’ lo determina cua di dos tin e bentaha y si tin mas sorpresa. E estadonan den contienda ta Alabama, Arkansas, California, Colorado, Maine, Massachusetts, Minnesota, North Carolina, Oklahoma, Tennessee, Texas, Utah, Virginia y Vermont — tambe tin di e teritorio di Samoa Americano y tur Mericano cu ta biba den exterior.