- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
- Presentacion ‘Bulletproof Sleep’ riba Syndroom di Apneu, na Biblioteca Nacional Aruba
- Aruba ta co-anfitrion di Torneo futbol Damas U15 Concacaf cu Trinidad y Costa Rica
- Doño di cacho abusa ‘Khaleesi’ ta dilanti huez fin di mei
Tyson Croes ta cla pa presenta ‘Comedy Take Over’
ORANJESTAD - Tyson Croes ta conoci den e mundo di comedia y awo e ta trahando riba un produccion grandi di "Comedy Take Over". Esaki ta riba un nivel internacional den comedia y e "Comedy Take Over" lo tuma luga dia 6 di Juni den China Club. E produccion ta uno grandi entre Aruba y Corsou.
E ta biniendo cu comediantenan cu hendenan conoce, manera Cyntia, Chocoy, Basquiri y Encho, kendenan ta e elenco cu a bay Hulanda den e tour di Tyson Croes. Awo e ta trece e produccion aki Aruba y no tabata facil pa logra, pasobra e tabata un produccion grandi. Su soño grandi a bira un realidad di bin cu e produccion aki.
E comedia lo tuma luga na China Club dia 6 di Juni. Awo ta sali e ticketnan di early bird na 25 florin, despues e prijs lo cambia. "Aruba lo experencia un comedy show cu nan ta mira na television", segun Tyson Croes. Combina cu esaki tin musica den dje, a invita 4 artista pa cera e anochi. E artistanan invita ta Rocco, Galloway, Blacky y Gario, kendenan ta encarga cu un ora loca na final pa esnan presente por diberti y bay cas bisa cu a mira un comedia, hari y pasa hopi bon.
Esaki ta prome biaha cu Tyson Croes ta bin cu un comedia di e nivel aki. E feedback cu el a ricibi di e otro artistanan ora cu nan tabata na Hulanda, nan a bisa mira unda nan ta y e teatro. Nan a puntra dicon no por haci esaki na nan luga riba e nivel ey. El a bisa nan pa ora e bin bek Aruba, e lo sinta cu su hendenan pa mira con pa hinca den otro pa presenta un comedia na e nivel ey. No solamente presenta artista, pero kico tur nan tin riba dje, manera e tarima. El a sigui bisa nan pa dun'e chens di mira con leu e ta yega y na mesun nivel hinca den otro. Tyson Croes a sinta cu diferente persona di produccion, kendenan a bisa cu por prepara e stage e y bin cu e nivel ey. El a papia cu e artistanan y esey ta loke a pasa.
Texto Cortesia ClickonAruba Potret cortesia Dwight Leoneta
Kes the Band di Trinidad confirma pa Flip Flop Festival na juni!
ORANJESTAD – E banda popular di Trinidad Kes the Band ta confirma pa presenta durante e proximo edicion di Flip Flop Festival dia 1 di juni proximo. Durante un conferencia di prensa diahuebs atardi, organisadornan a anuncia esaki, como un di e varios bandanan internacional cu lo ta presente durante e anochi aki. E intencion ta pa dentro di 2 siman presenta demas artistanan internacional tambe. E evento lo tuma lugar riba Bushiri Beach, y lo ta parti den varios seccion. A cuminsa bende carchi caba awe unda cu e prome cantidad di carchi ta bay na 45 florin estilo ‘early bird’ pa tempo limita. Flip Flop Festival ta un producto di cerbez Chill, y Brouwerij Balashi hunto cu Tropical Bottling Company su productonan Coca Cola y Bacardi. Fuera di e artistanan internacional, lo tin artistanan local manera e.o. Tsunami.
Video: Con a yega na titulo di documentario ‘I can’t be moe’ ?
ORANJESTAD – Diabierna awor tin estreno di e documentario localmente produci titula ‘I can’t be moe’. Un documentario unda cu e productor ta sigui e bida di e conocido personahe local Alice van Romondt durante 2 aña. Pregunta ta, con a yega na e titulo asina ‘captivo’, un combinacion di Ingles y Hulandes y con esaki a yega pa bira e titulo di e documentario. Tanto e productor Rebecca Roos, como e suheto di e documentario, Alice van Romondt a splica esaki den e programa Noticiacla LIVE diamars anochi. E documentario ta pasa diabierna anochi 19 di april pa 8'or di anochi den Cas di Cultura y ta costa 25 florin pa entrada.
Carlos Bislip cu concierto gratis di JAM riba Dia Mundial di Jazz
ORANJESTAD – Manera a bira conoci caba, sigur anto pa tur amante di e genero musical aki, luna di april ta celebra mundialmente e aprecio pa jazz. Un di su promotor y exponentenan di mas grandi riba nos isla, esta e maestro di percusion Carlos Bislip a sa di prepara, un biaha mas, un merecido celebracion.
Aruba One Happy Island Lions Club y Friends of Lions a yuda mas di 500 personaden necesidad
ORANJESTAD - Recientemente Fundacion Aruba One Happy Island Lions Club hunto cu Friends of Lions a organisa e prome “Tayo riba Mesa”, pa aña 2024. Esaki ta un proyecto den cuadro di e programa di Lions International “Hunger Relief”, caminda danki na e sosten di comunidad y Friends of Lions ta yuda famianan den necesidad.
Conocido musico Ivan Jansen reconoci pa su ’contribucion na herencia cultural di Aruba’
ORANJESTAD - Diaranson anochi na Cas di Cultura, Minister Maduro di den nomber di Gobierno di Aruba, presenta un reconocemento na sr. Ivan Jansen pa su contribucion significante na e herencia cultural musical di Aruba. Segun e mandatario, den e documental presenta riba Jansen, nos ta cera conoci cu e musico Ivan hopi mas di acerca, ya e ta bay comparti su historia di su carera musical, su conocemento, produccionnan, su contribucionnan na diferente musiconan/artistanan local, alabes su logronan local y internacional y e retonan cu ela encontra durante su carera musical E mandatario a repasa e CV impresionante di e musico tambe, indicando cu Ivan no ta solamente un musico, un guitarista clasico y di jazz, sino tambe e ta productor, compositor, areglista, educador, lider di banda y empresario. “Nos ta sinti nos orguyoso di un video documental contando historia di un Arubiano y produci door di nos mes yiunan di tera. Cu e iniciativa di Ivan aki por inspira mas persona cu tin un historia pa conta, pa traha un documental. Asina nos por laga e historia atras pa generacionnan cu ta bini despues di nos” e mandatario a bisa entre otro.
Conocido ciudadano Alice van Romondt ta enfoke principal di un documentario nobo
ORANJESTAD – Conocido ciudadano di Aruba Alice van Romondt, ta bira e centro di atencion durante un documentario largo metrahe di e productor di cine Rebecca Roos cu lo ta visible durante e di 10 edicion di Curaçao Internacional Film Festival e siman aki. E documentario, titula “ I can’t be moe; Alice van Romondt (I can’t be tired)” ta keda present ana Corsou entre dianan. 12 y 14 di April. Un siman despues, lo estrena e pelicula akin a Cas di Cultura. Prome cu e estreno na Aruba tin oportunidad unico di wak un exposicion di un seleccion di Alice su collecion priva di arte den e sala di expo di Cas di Cultura for di 6:30 PM.
Follow NoticiaCla
