Romero: Gobierno haciendo lo maximo pa busca piscado perdi

ORANJESTAD – Gobierno ta haciendo tur cos posibel pa logra haya e piscado perdi Paul, cu ta perdi for di diasabra manera cu noticiacla.com a raporta caba. Pau a bay pisca diasabra na altura di Baho, pero no a bolbe mas. E mandatario responsabel pa e cartera cu ta representa e clase piscado esta Chris Romero, a mustra cu gobierno a tuma contacto cu Venezuela pa yuda cu e buskeda aki. “Aruba a saca diferente vaartuigen, helicopter enzovoorts pa yuda den e buskeda aki, pero tambe piscadornan. Hopi di nan a subi laman bay busca” Romero a bisa dialuna mainta durante conferencia di prensa di gobierno. Segun Romero, e conoce e piscado aki personalmente ya cu e mes sa bay pisca cu e persona aki. 

FAMIA

Mientrastanto e casa di Pau, Jenny, a pidi comunidad pa reza y yuda cu e buskeda, pero tambe pa evita di plama informacion cu no ta berdad, pasobra esey ta stroba e buskeda solamente, y tampoco plama noticia cu no ta berdad. E buskeda di amigonan tambe ta continua y autoridad tambe. A compronde cu esnan cu sa di laman, ta mustra cu e coriente di laman por a hiba Pau te na parti Colombiano, Guahira y of Riohacha. E fe ta halto entre esnan cu ta buscando. Potret ta di facebook di famia di Martijn, unda cu polis y piscadornan ta reuni na Zeerovers riba e buskeda.