Cu retiro di Klobuchar, a keda 5 democrata pa eleccion presidencial Mericano

NEW YORK – Un candidato mas pa e eleccion presidencial Mericano a retira di e ‘careda’ dialuna. Ta trata di e senador di Minnesota Amy Klobuchar cu ta anuncia su retiro dialuna anochi y ta endorsa colega candidato Joe Biden. Klobuchar ta e di 26 candidato pa retira y ta laga ‘solamente’ 5 candidato mas, esta Joe Biden, Bernie Sanders, Elizabeth Warren, Michael Bloomberg y Tulsi Gabbard. Nan lo participa den e pre eleccion conoci como ‘SuperTuesday’ diamars anochi, en busca di suficiente delegado di partido pa nan keda nomina como e represenante di partido. Prome cu Klobuchar, e unico candidato homosexual Pete Buttigieg a retira den fin di siman tambe.