Premier Rhuggenaath a nomina Steven Martina pa minister atrobe

WILLEMSTAD – Prome minister di Corsou Eugene Rhuggenaath a confirma na matutino Extra cu el a nomina Steven Martina pa bira minister atrobe. E intencion lo ta pa Martina haya e cartera di Desaroyo Economico atrobe. Intencion ta pa 11 di maart proximo e huramentacion tuma lugar. Segun Extra, e intencion tabata pa Martina bira minister prome cu eligi su persona tambe como lider di e partido politico MAN. E congreso pa esey ta tuma lugar dia 21 di maart proximo. 

Cu e cambio aki, actual minister Giselle Mc William lo bolbe parlamento. Di otro banda, tin indicacion cu partido lo kier mantene Mc William como minister mirando e reaccion positivo di su trabou desplega. Asina e matutino ta raporta. 

Tabata na februari di aña pasa cu Martina a retira como minister debi cu el a bira sospechoso di ministerio publico. Tres luna despues na mei 2020, ministerio publico a seponeer e caso. Pero ainda Martina no por a bolbe debi cu lo tabatin problema su screening. 

Cortesia Extra Curacao.