Bolsa turistico ITB cancela pa motibo di coronavirus

BERLIN - E bolsa turistico internacional mas grandi di mundo, ITB na Berlin  Alemania, a keda cancela, pa motibo di e corona virus. E mester a tuma lugar otro siman. Asina e organisadornan a bisa diabierna. Tin mucho riesgo y como tal, a opta pa no basila y crea scenario unda cu por hinca bishitantenan den problema innecesario. Otro eventonan tambe ta cancelando na Europa debi na e impacto di e virus aki. Aruba tabatin un delegacion cu ta participa tambe y tabata planea pa biaha diasabra mainta pa Europa pa e meta aki. Nos isla semper ta bon representa cu un delegacion basta grandi.