Mundo financiero ta reacciona malo riba coronavirus

HONG KONG – Mientras e ciudadano ‘comun’ ta preocupa si e por keda contagia cu e coronavirus, tin un otro peliger debi na e malesa aki cu tin un otro grupo di persona preocupa. E mercado financiero mundial tambe ta reaccionando riba e noticianan aki y no ta positivo. Por menciona p.e. cu e mercadonan di balor di Hong Kong y London a cay severamente pa di 7 dia consecutivo. Esaki mientras cu e virus mes ta sigui plama, creando miedo cu e epidemia por elimina ganashi corporativo y manda varios pais cu ta forma e economia mundial, den recession.