Dos detenido di boto cu droga tabatin infeccion pulmonario

ORANJESTAD – Dos detenido di e boto Aressa cu a wordo haya cu cantidad record di cocaine, tabatin infeccion pulmonario. Asina vocero di polis Lito Laclé a confirma pa prensa diabierna. Ora cu a sali na cla cu nan tabatin malesa contagioso, a drenta un panico, mirando e situacion relaciona c cu e actual coronavirus.  Sinembargo esey no tabata e caso. Segun Laclé, enberdad dos detenido tawata malo y a wordo transporta pa hospital pero despues di a hasi diferente testnan a resulta cu nan tawatin un infeccion pulmonario. Na es momento aki caba ya nan a wordo transporta back pa warda di San Nicolas.