Bapor crucero ta cancela bishita pa Aruba debi na norovirus

FT LAUDERDALE – Un bapor crucero a cancela su bishita pa Aruba diahuebs debi na un virus abordo, y a bolbe su base na Ft Lauderdale. Ta trata di e bapor crucero Caribbean Princess, cu a contrae un brote gastrointestinal a bordo y cu mester a yega Aruba diahuebs. Esaki ta e di dos biaha den poco tempo riba e bapor cu e virus aki ta plama. Segun e centro Mericano pa control di malesa (CDC) tin 186 pasahero (di 3039) malo y 15 tripulante (di 1162) Nan tin simptoma di diarrhea y sacamento. ‘Como tal, e bapor no a haci su bishita programa pa Aruba awe y a dicidi di bolbe pa (su base) na Ft Lauderdale' e mensahe a bisa ayera diahuebs. Ta importante pa sa cu e no ta e coronavirus cu ta causando miedo den e industria. E malesa gastrointestinal hopi biaha ta hiba e nomber norovirus y ta un virus comun di cual bo ta recupera y e no ta uno mortal.