Warda Costa: Total di cocaine confisca ta casi 5.500 kilo

ORANJESTAD – Casi 5 dia despues di e suceso, Warda Costa di Caribe Hulandes a confirma e hazaña record di cocaine riba laman, y a confirma cu e cantidad ta mas cu a kere: casi 5.500 kilo di cocaine. Tambe a comparti potretnan di e operacion riba laman, y tambe e droga riba waf na Aruba. Detaye di e captura tambe a bira conoci. Segun e informacion, ta despues di sincronisa cu ministerio publico di Aruba y partnernan internacional, Warda Costa a detene e boto cu tabata nabega den area di Aruba.  

INTERCEPTA

E interceptacion segun version official, a keda ehecuta pa un team di metal shark di Aruba, despues cu a detecta e boto  Aressa riba e sistemanan di radar i despues pa e heliko?pter AW-139. E bulk carrier Aressa a ser dirigi? pa e team di Metal Shark direccion di Oranjestad caminda Warda Costa conhuntamente cu KPA i raidingsquadron 32 di Defensa a hasi un buskeda profundo riba e boto. Na bordo a encontra un cantidad grandi di droga.