Hoevertsz: Mucho tempran pa papia riba cancelacion Olimpiada 2020

Hoevertsz: Mucho tempran pa papia riba cancelacion Olimpiada 2020

Posted on 02/27/2020 4:31 pm AST | Updated on 02/27/2020 4:32 pm AST

ORANJESTAD – Ta mucho tempran pa papia riba posponemento di weganan olimpico cu tin cu tuma lugar na Japon na juli di e aña aki. Asina Nicole Hoevertsz, miembro di Comite Ehecutivo di Comite Olimpico Internacional (IOC) a bisa noticiacla.com diahuebs. Di otro banda, cierto portalnan di noticia ta papiando caba di scenario unda cu por pospone e weganan aki, pa motibo di coronavirus. “E situacion ta wordo monitoria hopi cuidadoso pa expertonan di World Health Organisation (WHO). Preparacionan pa e weganan ta continuando” Hoevertsz a sigui bisa. 

CANCELACION

E miembro di IOC Dick Pound mientrastanto a bisa prensa internacional cu un cancelacion total (di e weganan) ‘ta riba mesa’. Pero, posponemento of mudamento (pa otro lugar) di e weganan no ta un posibilidad. Y asina mas medionan internacional ta raportando awe. E weganan mester tuma lugar entre 24 di di juli pa 9 di augustus 2020 na Tokio, Japon. Pero mirando cu Japon ta un centro awor di e brote di e virus, tur cos ta den duda.  

 

 

 

  • Miho gimnasta femenino di mundo Simone Biles ta retira sorpresivamente di Olimpiada na Tokyo

    Miho gimnasta femenino di mundo Simone Biles ta retira sorpresivamente di Olimpiada na Tokyo

    TOKYO – Considera como e miho ginmasta femenino di mundo Simone Biles a retira sorpresivamente for di Weganan Olympico diamars, sitando problema medico. E tabatin problema cu su rutina diamars y despues cu awa na wowo a retira. E lo no compete na e resto di e evento olimpico segun su vocero. 

  • Soño di landador Alejandro Timp (dfm) a keda cumpli na Tokyo

    Soño di landador Alejandro Timp (dfm) a keda cumpli na Tokyo

    TOKYO - Atletanan Allyson Ponson Mikel Schreuders y coach Ismael Santiestaban a haci e soño di Alejandro Timp awe den felis memoria bira un realidad na Tokyo, Japon.

  • Tenista yiu di Corsou a test positivo pa Covid19 na Tokyo durante Olimpiada

    Tenista yiu di Corsou a test positivo pa Covid19 na Tokyo durante Olimpiada

    TOKYO – E tenista yiu di Corsou Jean Julien Rojer(39) a test positivo pa Covid19 na Tokyo y ta despedi di e Olimpiada tambe. E lamentable ta cu un dia prome el a gana su prome wega di doubles cu Wesley Koolhof. E tabata den e seleccion di hungadornan Hulandes y tabata riba e buelo ‘controversial’ di KLM riba cual varios hungador a biaha pa Tokyo y a keda contagia. 

  • AVB: V Britannia a titula campeon den division dama

    AVB: V Britannia a titula campeon den division dama

    ORANJESTAD - Diasabra a tuma luga e wega final di futbol division dama. SV Britannia a enfrenta SV Racing Club Aruba (RCA). E hungadonan Bindiya Wadhwani y Michaela Netto a anota e golnan ganado. E dos hungadonan aki a hunga un wega di play-off final den futbol U13 di mucha homber. Ambos a sobresali riba tereno demostrando un bon nivel di wega mescos cu cualkier mucha homber riba tereno. Y un biaha mas nan a demostra esey.

  • Mikel Schreuders a landa bon den 200 meter na Tokyo freestyle pero no pa clasifica

     Mikel Schreuders a landa bon den 200 meter na Tokyo freestyle pero no pa clasifica

    TOKYO – E atleta landador di Aruba Mikel Schreuders a sali na di dos lugar diadomingo den su prome salida di landamento 200 meter freestyle na Weganan Olympico di Tokyo. Mientras cu e prestacion tabata bon cu un tempo di 1:49.43, e no tabata suficiente pa e logra pasa pa e semifinal di e disciplina ey. E ta sigui diamars mainta pa e disciplina di 100 meter freestyle. Diasabra marduga  e atleta di tiro Philip Elhage tabata e prome pa mira accion. Su prestacion personal tabata bon pero no suficiente pa e clasifica pa e siguiente buelta. Potretnan cortesia Comitee Olimpico Arubano. 

  • Prome atleta pa Aruba na Tokyo a mira accion pero no ta clasifica

    Prome atleta pa Aruba na Tokyo a mira accion pero no ta clasifica

    TOKYO – E prome atleta pa competi pa Aruba den Weganan Olimpico na Tokyo, Philip Elhage no a logra avansa pa e siguiente buelta diasabra mainta. Elhage ta competi den tiro, specificamente e disciplina di tiro di 10 meter. Su prestacion aunke aceptable, no tabata suficiente pa pasa pa e siguiente buelta lamentablemente. E siguiente atleta pa mira accion lo ta di natacion, esta Mikel Schreuders cu ta den accion diadomingo anochi ora di Tokyo. Potret cortesia COA. 

  • Powered by SETAR