Maduro: Caribe y Centro America so no ta afecta ‘ainda’ pa coronavirus

ORANJESTAD – Mientras cu na Aruba no tin ningun caso di coronavirus ‘ainda’, mundialmente tin 81.296 caso registra. Asina Eugene Maduro di DVG a informa durante un conferencia di prensa. Di e cantidad registra, tin 2770 cu a fayece aunke e cifra ta sigui aumenta cada rato. E cantidad cu a fayece ta 3.4% di e total registra di caso confirma. 

For di e cifra di esnan cu a keda contagia, 82% a haye di un forma leve, mientras cu 18% a haye di un forma critico of severo. Y un total di 43 pais ta afecta pa e virus caba. E unico region cu ainda no ta afecta ta Caribe y Centro America, manera e mapa ta divulga, segun Maduro.