Bermudez: Lo discuti futuro di FDA otro siman cu Plasterk na Hulanda

ORANJESTAD – Fondo Desaroyo actual lo haya continuidad na final di 2015. Minister di Finanza Angel Bermudez otro siman na Hulanda lo delibera riba e detayenan cu minister Ronald Plasterk, riba continuidad di e fondo, unabes cu esaki termina su termino statutario na fin di 2015. E intencion ta pa crea un FDA 2, cu tin cu reemplaza esun anterior na comienso di 2016. E motibo pa e continuidad, ta debi cu ora cu FDA termina, ta premira cu esaki lo tin un balansa positivo.

“E proyectonan andando lo wordo traslada cu e fondonan pa FDA# 2” Bermudez a sigura, prome cu su salida pa Hulanda e siman aki. E mandatario a sali pa Hulanda diahuebs y lo pues topa e.o. e mandatario hulandes riba e topico menciona.

E fondo a wordo crea na 2000 entre Hulanda y Aruba pa un periodo di 10 aña inicialmente, den cual durante e periodo ey, Hulanda lo a deposita 220 miyon florin hulandes, y Aruba lo a deposita 180 miyon florin di Aruba. E fondo a keda extendi despues y ta termina fin di 2015. (lesa detayes di FDA aki).