Brazil tin e prome caso confirma di Corona virus pa Latino America

RIO DE JANEIRO — Gobierno di Brazil a confirma diaranson cu un homber Brazilero di 61 aña ta e prome caso confirma di contagio di e coronavirus nobo pa Latino America.  “Nos lo wak awor on e virus aki ta comporta su mes den un pais tropical mei mei di zomer, con su patronchi lo ta” e minister di Salud di Brazil, Luiz Henriquez Mandetta a bisa den un conferencia di prensa. E homber contagia, a pasa dos siman den e parti nort di Italia (Lombardi) durante un biahe di trabou, unda cu el a pega cu e virus. Mientrastanto autoridad a bisa diamars caba cu un prome test di laboratorio a duna un resultado ‘positivo’ y cu tabata warda un di dos test pa confirma.