Ex director refineria sentencia cu castigo di prison na Corsou

WILLEMSTAD – Ex director di Refineria di Korsou (RdK) Roderick van Kwartel a keda sentencia na un castigo di prison di 36 luna. Asina corte a dicta contra e persona aki den e caso Lacerta. Hunto cu ne, 2 otro trahado di e refineria y un consultant a haya cada un un castigo di 30 luna di castigo di prison. Segun e sentencia, Corte a haya proba cu e 4 personanan aki a haci nan mes culpable na soborna e compania Count/AOT pa 5 miyon dollar, cu tabata competi pa bira un partner strategico nobo pa e refineria di Corsou. 

 Nan lo a organisa varios reunion priva pafo di e reunionan official, y a tene e reunionan aki secreto. Como tal nan a abusa di nan posicion pa probecho personal financiero. Cu esey, e ta mancha e imagen di Corsou, cu por afecta futuro inversionistanan pa e isla. Pa e director, ministerio publico a pidi 5 aña y e otronan cada uno 4 aña. A reduci e castigo debi na e consecuencia pa e personan envolvi y cu finalmente e placa nunca no a wordo paga. Corte no a kere e storia cu e 4 personanan aki lo kier a desenmascara e compania.  Portret cortesia Dick Drayer.