15 detencion mas cu aña pasa durante Parada di Luz na San Nicolas

ORANJESTAD - Ayera den oranan di mainta recherche di Oranjestad a bay un cas na Ponton pa detene e dama L.A.T.M. Rubiano, di 21 aña di edad pa menasa. Ora e persona aki tawata na punto di wordo transporta recherche y e coleganan uniforma a nota cu e dama aki tawata mustra cierto sintomanan. Coleganan a tuma precaucion y a dicidi di hiba e persona aki test y den oranan di anochi a haya e resultado y a resulta cu e sospechoso aki a test positivo pa COVID19. Esaki ta casonan cu coleganan di cuerpo policial ta hayanan confronta diariamente cune y tumando risiconan.

ORANJESTAD - Diabierna den oranan laat di anochi pa mas o menos 23.50 Radarkamer ta detecta un boto panort di cabes di Aruba. Na mesun momento ta notifica steunpunt kustwacht na Savaneta cu ta notifica Dash pa identifica e boto y Central di polis cu ta despacha Kustsurveillance y patrouille di San Nicolaas pa controla costanan di Aruba. E Metalshark di Kustwacht conhuntamente cu Panter ta drenta den accion dibiaha y despues di un persecucion basta largo ta logra intercepta e boto 3.3 miya panord di cabes di Aruba. Abordo di e boto ta detene e capitan y su ajudante. Alaves ta encontra 10 purun. Na tera kustsurveillance di KPA ta logra haya 2 bulto na altura di Boca Keto y ta confisca esakinan pendiente di mas investigacion. Potret cortesia Kustwacht. 

ORANJESTAD - Polis a confirma cu diabierna anochi un homber a fayece a consecuencai diu un tira den cabez. Segun vocero policial Lito Laclé, pa 9.13 central di polis ta haya notificacion cu un un hende homber a wordo tira na un cas na Pos Chiquito. Na yegada di e patruya ta bin encontra un persona sinta den un auto cu un tiro den cabes. Mesora a pidi pa departamento di recherche , polis technico y slachtofferhulp. Pa etica ainda no ta bay divulga e nomber di e victima. E caso ta bao di imvestigacion.Cuerpo Policial ta manda palabra di condolencia na e famia di e fayecido.

POS CHIQUITO – Diabierna anochi 10.25 pm dokter Texier a constata morto di:Lisander Leonardo Ignacio (21), a consecuencia di un tiro den cabez. E ta bira asina e di 3 victima di asesinato pa Aruba pa 2021. Noticiacla y Cuerpo Policial ta manda palabra di condolencia na e famia di e fayecido.

ORANJESTAD - Cumpliendo cu e regla di COVID19 pa hende no ta riba beach despues di 7'or di anochi, polis a haci su control diadomingo anochi. 

ORANJESTAD -  Polis lo actua cu man mas duro ainda durante e proximo simanan pa asina enforsa e reglanan cu a keda stipula pa bringa COVID19. Alto comisario di polis Vanessa Tjon Kock diaranson anochi a splica motibonan pakico cierto medida legal a keda (re) introduci y con exactamente mester compronde nan ehecucion y consecuencia di esey. Un di e motibonan principal ta resistencia di individuonan ora cu polis kier y mester actua. “Polis awor lo actua na full un otro manera” e hefe maximo di polis a bisa.