Premier Wever ta confirma cu lo trata presupuesto na maart

ORANJESTAD – Prome minister di Aruba Evelyn Wever Croes diahuebs mainta a confirma e declaracion di minister di finanza Xiomara Maduro, esta cu pa maart 2020 lo por cuminsa cu tratamento di presupuesto 2020. E ta confirma tambe cu e presupuesto ta laat y cu de facto, Aruba por a haya un aanwijzing pa e tardansa aki. No obstante esey, a logra, segun Wever, a logra palabracion cu Hulanda pa trata esaki mas despues, y cu mas tarda 1 di april e presupuesto mester ta aproba pa Parlamento. 

RAAD VAN ADVIES

Wever a informa cu pa diabierna awor (mayan) gobierno ta ricibi e presupuesto 2020 bek for di Raad van Advies pa despues nan contesta e preguntanan cu RvA tin y sigui pa entrega e presupuesto e ora na Parlamento. Aki e tin cu cana su caminda unda cu tin cu duna Parlamento e espacio necesario pa por haci pregunta y studia e presupuesto. Ta sigura cu pa fin di maart 2020 sigur e presupuesto mester ta cla.