Dos persona cu a bandona bapor crucero, a muri di coronavirus

HAPON – Dos persona diagnostica cu e coronavirus, cu a bandona un bapor crucero bou cuarentena, a fayece. Asina e minister Hapones di salud a bisa diahuebs den parlamento. Un total di 13 persona mas cu coronavirus a keda confirma abordo, cu ta pone cu 634 persona abordo tin e virus. 

Pa loke ta e morto, esaki ta e prome caso di e bapor Diamond Princess, cu ta den cuarentena dilanti Yokohama cu 3.700 pasahero. Ambos pasahero tabata Hapones y tabata den nan 80 aña di edad.