Elias: A purba 10 aña pa haya Elton John, y Shakira ta mucho caro pa CNSJ

Elias: A purba 10 aña pa haya Elton John, y Shakira ta mucho caro pa CNSJ

Posted on 02/18/2020 3:09 pm AST | Updated on 02/18/2020 3:11 pm AST

WILLEMSTAD - “Mi tin cu bin cu Elton John? Awel nos a purba 10 bez caba, cada aña, y cada aña net den e temporada ey, manera mi a splica bastante bez, e temporada ey ta off off season pa artistanan (incluyendo Elton John)” Elias a contesta. E ta reacciona asina riba e hecho tambe cu mester a cancela e di 10 edicion di Curacao North Sea Jazz Festival pa 2020. Pa loke ta Elton John y otro artistanan, “E ta out of the way di nan touring schedule. Y tur ora cu nos haya un artista bin akinan ta para bira un cos di ‘Danki Dios, nos tabatin suerte’ como si fuera e ta bira un ‘normaalste zaak van de wereld’”. Pero segun Elias esey no ta e caso. “E hendenan aki tin cu sali for di nan ‘vacantie’, haci un ‘one-off’ (esta bin specificamente pa e concierto aki so), na Corsou. Pues no ta nada facil. 

JENNIFER LOPEZ Y SHAKIRA 

Un artista cu e portal aki a sugeri y cu Elias tambe tabata pensando ariba, ta JLo (Jennifer Lopez), y e otro, aunke cu Elias no kier menciona su nomber pero a referi solamente na 'esun di Colombia' esta Shakira, ta simplemente mucho costoso. JLo  tabata pensando pa bin, y Shakira no tabata posibel. “Ademas e prijs kaartje pe, ningun hende lo kier paga p’e”, Elias ta sigui bisa. Investigacion cu e portal aki (noticiacla) a haci, ta cu na 2016, e prijs pa atrae Shakira tabata entre 1 pa 1.5 miyon dollar. Pues 4 aña despues, e suma ta mucho mas halto. Y esnan cu ta pensa cu a paga nan pa presenta na Superbowl 2020, ta ekipoca. E organisacion di futbol Mericano no ta paga nan, pero ta cubri si tur e gastonan di produccion, E cobertura cu e artistanan ta haya (100 miyon di hende ta wak e), ta suficiente pa e artista.

  • Powered by SETAR