Famia Chines den cuarentena no a presenta simptoma di coronavirus

Famia Chines den cuarentena no a presenta simptoma di coronavirus

Posted on 02/17/2020 9:42 am AST | Updated on 02/17/2020 9:43 am AST

ORANJESTAD – E famia di 4 persona Chines cu tabata den cuarentena pa 14 dia pa motibo di peliger di contagio di coronavirus, ta ‘liber’ atrobe. Asina departamento di salud di Aruba a informa. Manera ta conoci, dia 1 di februari 2020 a regresa Aruba for di China algun residente Chines. Segun informacion ricibi e residentenan aki no a hospeda na ningun region afecta pa Corona Virus COVID-19 na China tampoco a mantene contacto cu ningun hende malo, cu ta e criteria defini pa considera un persona sospechoso. 

Pa ta sigur cu e famia aki no tin e virus y ta encontra nan mes den periodo di incubacion unda sintomanan lo aparese despues, seccion di malesa infeccioso a pidi colaboracion di e famia pa keda den cuarentena pa 14 dia. E famia a compronde esaki y a colabora cu e proseso. Durante e 14 dianan cu a pasa e seccion responsabel a controla e famia tur dia riba sintomanan di griep relaciona cu corona virus COVID-19. 

Diadomingo despues di 14 dia Departamento di Salud Publico por informa cu e famia encuestion ningun dia a presenta ningun sintoma sospechoso y desde diasabra 15 di februari ta liber di cuarentena.

  • Diasabra awor 12 cama pa ICU ta yega Aruba for di Hulanda

    Diasabra awor 12 cama pa ICU ta yega Aruba for di Hulanda

    ORANJESTAD – Diasabra awor 12 cama ICU, ventilator y medicamente ta yegando Aruba como ayudo di Hulanda. Asina minister di salud Dangui Oduber a informa noticiacla.com diahuebs atardi. E avion lo bin Aruba despues cu e pasa Corsou prome y descarga e camanan cu e tin pa e isla ey tambe.Cu esaki, e ta aumenta e capacidad na hospital cu 450% te na 33. Segun Oduber, prome cu e crisis di coronavirus, Aruba tabatin 6 cama den ICU. Cu propio forza a aumenta esaki ten a 21 cama. Actualmente tin di e 10 pashentnan hospitalisa pa e virus, 3 ta den ICU. E prome carga di cama destina pa e islanan Aruba, Corsou y St Maarten, a yega St Maarten den fin di siman cu a pasa. E potret ta di e cargamento cu a yega St Maarten den fin di siman cu a pasa. 

  • Otro siman Spirit Airlines ta saca Mericanonan pega na Aruba den buelo humanitario

    Otro siman Spirit Airlines ta saca Mericanonan pega na Aruba den buelo humanitario

    ORANJESTAD – E aeroliña Spirit Airlines ta bula otro siman for di Aruba pa saca Mericanonan pega riba nos isla, den forma di un buelo humanitario. Asina consulado Mericano a informa e siman aki. E buelo lo sali otro siman diaranson 15 di april 2020 pa 1’or di atardi for di Aeropuerto Reina Beatrix, rumbo pa Cartagena, Colombia unda e lo coi mas pasahero Mericano y despues biaha pa Fort Lauderdale, Merca. Pasaheronan pega na Corsou y Bonaire tin opcion di coi buelo di Divi Divi Airlines pa biaha pa Aruba pa gara e buelo di Spirit Airlines. E buelo aki a wordo poni disponibel pa permiti ciudadanonan Mericano y residentenan permanente legal pa bolbe Merca. Potret cortesia Flickr.com

  • DVG: No tin conferencia Conferencia di prensa fin di siman santo

    DVG: No tin conferencia Conferencia di prensa fin di siman santo

    ORANJESTAD - Relaciona cu e weekend di semana santa y dialuna di resureccion. Departamento di Salud Publico a informa cu lo no tin su conferencia di prensa diario pa 2or di atardi riba diabierna 10, diadomingo 12 y dialuna 13 di april. 

  • CZMCARIB ta intensifica cooperacion cu Wardacosta Aruba debi na Coronavirus

    CZMCARIB ta intensifica cooperacion cu Wardacosta Aruba debi na Coronavirus

    ORANJESTAD - Mariniernan di e Eskuadron 32 di Asalto (‘32 Raiding Squadron’ ) ta keda desplega pa sostena Wardacosta na Aruba,cu ehecucion di nan tareanan.  Ya kaba tabata trata di un asistensia andando, den cua militarnan di ARUMIL(Milicia di Aruba) tabata keda desplega riba barconan di patruya di Wardacosta. E asistensia aki a keda expande cu mas persona y material,pa asina Wardacosta di Aruba por mantene e control mas fiho riba e fronteranan maritimo. Tambe patruyanan riba tera ta keda intensiva. E intensificacion ta un resultado di e medidanan ku Aruba a tuma en conexion cu e brote di COVID-19.  Akinan e fronteranan maritimo a keda cera pa transporte di persona.  E medidanan mester yuda pa mas tanto cu ta posibel evita infeccionnan cu Corona.  Pa motibo di esaki trafiko maritimo pa Aruba ta keda extrictamente controa.

  • Scol ta keda cera 5 siman mas na Aruba relaciona cu virus

    Scol ta keda cera 5 siman mas na Aruba relaciona cu virus

    ORANJESTAD – Gobierno di Aruba a dicidi cu scolnan ta keda cera te por lo menos 5 siman mas y ta habri (tentativamente) dia 11 di mei 2020. Asina minister di enseñansa Rudy Lampe a declara diahuebs merdia durante e briefing riba coronavirus. Esaki ta bira di cuater biaha cu ta prolonga ciere di scol relaciona cu e coronavirus. E mandatario a bisa solamente cu mirando e situacion actual, no ta prudente pa laga muchanan bay scol bek ‘ainda’. 

  • Aruba ta conoce 5 caso nobo positivo di coronavirus

    Aruba ta conoce 5 caso nobo positivo di coronavirus

    ORANJESTAD - Aruba diahuebs merdia a raporta cu tin 5 caso positivo extra di coronavirus cu a bin acerca pa un total di 82 caso. Mientrastanto 6 persona mas a recupera pa un total di 20 recupera

  • Powered by SETAR