Barco Wish Way a drenta haf di Corsou cu dos grua grandi

Barco Wish Way a drenta haf di Corsou cu dos grua grandi

Posted on 02/16/2020 2:48 pm AST | Updated on 02/16/2020 2:50 pm AST

WILLEMSTAD – E barco Wish Way a drenta haf di Corsou diadomingo mainta cu dos grua grandi pa CPS, e servicio portuario di e isla. Un publico basta grandi a ban den are a di haf pa e momento aki. Despues di 40 aña, a reemplasa e gruanan aki.

INCIDENTE

E parti dilanti di e barco a pasa bou di e brug, pero na momento cu a yega pa pasa e prome grua, esey si no a logra pasa sin problema. E punta di e prome grua a dal den e brug, y por a mira con un luz cu tabata cende paga a kibra. E di dos grua si a logra pasa sin problema, despues cu esnan encarga a logra maniobra cu e barco un poco mas na banda di Punda pa crea espacio na e banda di Otra banda. Tabatin daño na e brug y tambe na e grua. A opta e ora pa cera e brug pa asina evalua e situacion di esaki. Despues di un periodo, a habri e brug atrobe pa trafico. Cortesia Extra Curacao.

  • CFT a conseha RMR pa Corsou haya sosten di likides di 177 miyon

    CFT a conseha RMR pa Corsou haya sosten di likides di 177 miyon

    DEN HAAG – Colegio di supervision financiero CFT a recomenda pa Corsou haya ayudo di likides di 177 miyon florin, pa por salvaguardia cuponan di trabou y cubri perdida di entrada. Esaki e president di CFT Raymond Gradus a informa Rijks Minister Raad (RMR) den un carta di 8 pagina diamars. A specifica si cu esaki no ta un regalo, sino un fiansa cu mester wordo paga bek den 2 aña di tempo den un asina yama ‘bulletlening’, osea paga bek den un solo tiro, of un solo suma. 

  • Corsou tin 2 caso extra pa 13 total positivo di coronavirus

    Corsou tin 2 caso extra pa 13 total positivo di coronavirus

    WILLEMSTAD – Corsou a haya 2 caso mas positivo pa un total di 13 caso positivo. Asina epidemiologo Izzy Gerstenbluth a confirma dialuna na Corsou den su conferencia di prensa. Fuera di e cantidad positivo, tin 1 inconclusivo, y tin 7 activo, 5 recupera y 1 morto. Foto ta un screenshot di gobierno su conferencia di prensa riba coronavirus. 

  • St Maarten tin 2 morto consecuencia di coronavirus

    St Maarten tin 2 morto consecuencia di coronavirus

    PHILIPSBURG (ANP) – St Maarten a raporta su di dos morto a consecuencia di coronavirus. Asian gobierno di e pais a confirma diabierna. Ta trata di un homber. E cantidad di hende positivo ta 23 di cual 18 ta homber y 5 ta hende muher. Un persona a recupera te awor. Premier Jacobs a bisa di ta contento cu e ayudo di Hulanda di 12 cama di ICU pa e hospital. Minister di salud di Corsou Suzy Camelia Römer a confirma na Antiliaans Dagblad cu Hulanda lo duna 42 cama pa e parti di Caribe Hulandes. 12 ta bay pa Aruba, 12 pa Corsou, 12 pa St Maarten y 6 pa Bonaire. St Maarten por haya e camanan mitar di april caba, incluyendo aparato pa hala rosea y personal. 

  • Piscadornan di Corsou deteni na Venezuela riba sospecho di contrabanda

    Piscadornan di Corsou deteni na Venezuela riba sospecho di contrabanda

    WILLEMSTAD – Tres piscador di Corsou ta deteni na Venezuela riba sospecho di contrabanda. Asina Warda Costa di Caribe Hulandes a confirma diaranson. Segun e boletin, ta for di diadomingo e tripulacion ta deteni y ta trata di 4 yiu di Corsoy y un Venezolano. Warda Costa a recorda piscadornan pa no nabega bay Venezuela pasobra e frontera maritime ta cera. Gobierno di Corsou a emiti un ley cu a drenta na vigor 30 di maart 2020 cu ta prohibi nabegacion di boto di piscado entre Corsou y Venezuela, cual por ta un risico na momento di contacto humano durante trasbordo di cargamento.  

  • Corsou tambe ta introduci ‘Shelter in Place’ entrante dialuna

    Corsou tambe ta introduci ‘Shelter in Place’ entrante dialuna

    WILLEMSTAD – Gobierno di Corsou tambe a introduci ‘Shelter in place’ entrante dialuna mainta 6’or y ta vigente pa por lo menos 2 siman. Asina prome minister di Corsou Eugene Rhuggenaath a anuncia diadomingo atardi den un conferencia di prensa extraordinario. Tur e reglanan manera esun na Aruba ta vigente ora cu e medida nobo drenta na vigor. Na Aruba, e regla aki a drenta na vigor diadomingo mei anochi 12’or y ta vigente pa 2 siman tambe. 

  • Corsou tambe a impone Toque de Queda entrante diasabra anochi

    Corsou tambe a impone Toque de Queda entrante diasabra anochi

    WILLEMSTAD – Gobierno di Corsou diasabra a dicidi di impone un Toque de Queda mescos cu Aruba a haci, cu ta inicia diasabra anochi (awe) for di 9’or di anochi pa 6’or di mainta. E situacion na Corsou sinembargo ta diferente cu esun di Aruba, unda cu tin cu tin hopi menos caso positivo di coronavirus, (9) compara cu Aruba, (46). Un posibilidad ta cu Aruba ta haciendo mas test cu na Corsou, debi na e criteria, cu ta pone cu automaticamente Aruba su cantidad di casonan positivo por subi. 

  • Powered by SETAR