WILLEMSTAD - Den mutuo konsulta Fundashon Bon Intenshon i MojoConcerts a disidí pa no organisá Curaçao North Sea Jazz Festival den 2020. E motibu p’esaki ta meskos ku den 2017 ku no tin headliner apropiá disponibel pa e temporada akí.
Despues di un eksitoso edishon 2019 e festival mester wantaun ratu. Pa mantené e evento na tòp nivel mester tin dos headliner di gran nòmber, ku preferiblemente no a yega di aktua na Kòrsou kaba. Lunanan ku a pasa a demostrá ku den luna di sèptèmber e headlinernan akí no ta disponibel.
Ounke ku tur aña e festival ta eksitoso, tur aña di nobo e ta unenorme challenge pa haña artista grandi den e wikènt ei. Masha poko artista tin aktuashon den e temporada ei i pa tresee artista ei, su banda, otro personal i aparato pa un[resentashon so, ta kosta un dineral. Na 2017, pa mesunmotibu a kanselá e festival.
FBI i Mojo lo deliberá tokante di futuro di e festival despuesdi 2020. NOTA: Texto ta den papiamento fonetico di Corsou.
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.